تارازدا 21 جاستاعى كەلىنشەك دۇنيەگە ۇشەم اكەلدى

جامبىل وبلىسى بايزاق اۋدانىندا 21 جاستاعى كەلىنشەك دۇنيەگە ءۇش قىز اكەلدى. بۇل تۋرالى قازاقپارات حابارلادى.

ۇشەمدى جۇكتىلىكتىڭ 33-اپتاسىندا ايدانا تولەتاەۆانىڭ ءىشىن جارۋ ارقىلى الۋعا تۋرا كەلگەن. سارىكەمەر اۋىلىنىڭ تۇرعىنىنا جامبىل وبلىستىق پەريناتالدىق ورتالىقتىڭ دارىگەرلەرى كومەكتەسكەن. ءسابيدىڭ ۇشەۋىنىڭ دە جاعدايى جاقسى. ءبىرىنىڭ سالماعى 1700، ەكىنشىسىنىكى 1600 بولسا، شيراعى 1790 گرامم سالماققا يە.

دۇنيە ەسىگىن ەندى عانا اشقان سابيلەرگە ەسىم دە تاڭداپ قويىلعان ەكەن: دايانا، رايانا، سايانا. «ۇشەم كۇتىپ جاتقانىمىزدى العاشقى ۋدز كەزىندە-اق بىلگەن ەدىك. دەرەۋ ەسىم تابۋعا كىرىسىپ كەتتىك. اكۋشەرلەر مەن دارىگەرلەرگە العىسىمىز شەكسىز. ولارعا كوپ راحمەت! ءبىز وتە باقىتتىمىز!»، – دەيدى ۇشەمدەردىڭ اناسى.

پەريناتالدىق ورتالىقتىڭ باس دارىگەرى ايگۇل ايتباەۆانىڭ سوزىنە قاراعاندا، بيىل جامبىل وبلىستىق پەريناتالدىق ورتالىعىندا بەس مىڭعا جۋىق ءسابي دۇنيەگە كەلگەن. ونىڭ ىشىندە 2 ۇشەم جانە 109 ەگىز بار. وبلىستا بارلىعى 18 مىڭنان استام بالا تۋعان، ونىڭ ىشىندە 144-ءى ەگىز جانە 2 ۇشەم بار. .

 

ۇقساس جاڭالىقتار

Back to top button