سارا اقىننىڭ قانجىعاسىندا - 1 ملن تەڭگە

بۇگىن تالدىقورعاندا ەسكەلدى بي جىلگەلدى ۇلىنىڭ 325 جىلدىعىنا ارنالعان رەسپۋبليكالىق اقىندار ايتىسى ءوتتى. جىر دوداسىندا سارا توقتامىسوۆا باس جۇلدەنى جەڭىپ، ءبىر ميلليون تەڭگەنى قانجىعالادى، دەپ حابارلايدى قازاقپارات.

ال ءى ورىندى الماتى وبلىسى اتىنان شىققان جانداربەك بۇلعاقوۆ، ءىى ورىندى استانالىق اينۇر تۇرسىنباەۆا، ءىىى ورىندى اتىراۋ وبلىسىنان كەلگەن سىرىمبەك سəرسەمباەۆ جەڭىپ الدى.

جەتىسۋلىقتاردىڭ دەلەبەسىن قوزدىرعان ايتىستا تاعى بەس اقىن، اتاپ ايتقاندا، جالعاس سادىر، ارزىگۇل قايىڭبەك، سىرىم Əۋەزحان، بالعىنبەك يماشەۆ، Əسەت دۇيسەباەۆ بەلسەنە قاتىسقانى ءۇشىن اقشالاي سىيلىقتارمەن ماراپاتتالدى.

شارانىڭ باستى ماقساتى – ەلى ءۇشىن ەڭبەك ەتكەن تاريحي تۇلعانىڭ ءومىرىن، ەرلىكتەرى مەن تورەلىگىن اقىندار تىلىمەن ناسيحاتتاۋ. ەسكەلدى ءبيدىڭ ەل بىلمەيتىن تۇستارىن ۇرپاققا ايتىپ، بۇگىنگى كۇننىڭ وزەكتى ماسەلەلەرىنە توقتالۋ. اقىندار ءازىل-قالجىڭدى ارالاستىرا وتىرىپ، قوعامدا ورىن العان كەيبىر پروبلەمالاردى كوتەرىپ، لاتىن الىپبيىنە كوشۋ، ءتىل مەن ءدىن، رۋحاني جاڭعىرۋ سىندى تاقىرىپتاردى قامتىدى. جالپى ايتىسقا بەس وبلىس، ءۇش قالادان 10 اقىن قاتىسىپ، ءوزارا مىقتىنى انىقتادى.

 

ۇقساس جاڭالىقتار

Back to top button