ەلوردادا قىلمىس دەڭگەيى تومەندەدى

2017 جىلدىڭ تامىز ايىنداعى جەدەل قىزمەت شارالارىنىڭ قورىتىندىسى كورسەتكەندەي، ەلوردالىق پوليتسەيلەردىڭ كۇشىمەن، جەرگىلىكتى ورگانداردىڭ قولداۋىمەن قالادا تۇراقتى جاعداي قامتاماسىز ەتىلدى. بۇل تۋرالى استانا قالاسى اكىمىنىڭ ءباسپاسوز قىزمەتى حابارلادى. 

قىلمىس دەڭگەيى قالادا 10 مىڭ ادامعا شاققاندا 28،7%-عا تومەندەدى. ۆەدومستۆو مالىمەتتەرى بويىنشا، اعىمداعى جىلدىڭ باسىنان 23 595 قىلمىستىق قۇقىقبۇزۋشىلىق تىركەلدى، 2016 جىلمەن سالىستىرعاندا بۇل 18%-عا تومەن. ايتا كەتكەن ءجون، ەلباسىنىڭ تاپسىرماسىن ىسكە اسىرۋ اياسىندا قۇقىقبۇزۋشىلىقتارعا قوعامدا «نولدىك توزىمدىلىكتى» قالىپتاستىرۋ بويىنشا جۇمىس جالعاسۋدا.

استانا قالاسىنىڭ ءىىد xابارلاعانداي، جىل باسىنان 75 513 اكىمشىلىك قۇقىقبۇزۋشىلىق انىقتالدى، ولاردىڭ 3 296 فاكتىسى ۇساق بۇزۋشىلىق، 4 967 – تىنىشتىقتى بۇزۋ، 13 879 – الكوگولدى ىشىمدىكتەردى ءىشۋ جانە قوعامدىق جەرلەردە ماس كۇيدە ءجۇرۋ، 12 243 – بەلگىلەنبەگەن جەرلەردە تەمەكى شەگۋ، 17 226 – اباتتاندىرۋ ەرەجەلەرىن بۇزۋ، 1 331 – قوعامدىق جەرلەردە ادامداردىڭ مازاسىن الۋ. 199 قۇقىق بۇزۋشى اكىمشىلىك قاماۋعا الىندى.

ۇقساس جاڭالىقتار

Back to top button