كوللەدج ستۋدەنتتەرىنە ارتىق پاندەردى تىقپالاۋدى قويۋ قاجەت

قر پارلامەنت ءماجىلىسىنىڭ دەپۋتاتى كەڭەس ءابساتتاروۆ ۇكىمەت باسشىسىنىڭ اتىنا ساۋال جولدادى. ونىڭ ايتۋىنشا، بۇگىندە جۇمىسشى ماماندىقتاردى دايارلاۋ باعدارلاماسىندا ارتىق پاندەر كوپ، دەپ xابارلايدى قازاقپارات ءتىلشىسى.

«ءبىلىم مينيسترلىگى بەكىتكەن وقۋ جوسپارلارىن الىپ قاراساق، ونداعى وقۋ ساعاتتارىنىڭ 33 پايىزى جالپى پاندەردى قامتيدى. ەندى، ءتىل، تاريx پەن ادەبيەتتى وقىتۋعا بولادى. الايدا دانەكەرلەۋشى، يا بولماسا، توڭازىتقىش قوندىرعىلارىنىڭ شەبەرىنە گەوگرافيا مەن بيولوگيانى وقىتۋدىڭ قانداي قاجەتتىلىگى بار؟ ونداي پاندەر نان ءپىسىرۋشى، كونديتەر، قۇرىلىسشى جانە تاعى باسقا ماماندىقتارعا بەرىلەدى. ال تىگىنشىلەرگە استرونوميا ءپانىن وقىتىلاتىنى قيسىنعا مۇلدەم كەلمەيدى. وسىنىڭ ءوزى ءتيىمسىز باعدارلامانىڭ كورىنىسى بولسا كەرەك»، – دەيدى ءابساتتاروۆ. ونىڭ ويىنشا، ءبىلىم جانە عىلىم مينيسترلىگى وقۋ باعدارلاماسىن جاساعاندا كوپ ويلانعان جوق. مەكتەپ باعدارلاماسىن كاسىبي-تەxنيكالىق جۇيەسىنە كوشىرە سالدى. «سوندا نەگىزگى سالماق ۇستازدارعا ءتۇسىپ تۇر. ال كاسىبي مامانداردى دايارلاۋ جۇمىسى نازاردان تىس قالىپ وتىر. سوسىن وقۋ ساعاتتارىنىڭ 10 پايىزىن دەنە شىنىقتىرۋعا بەرىپ قويعان. بۇدان بولەك، جالپى گۋمانيتارلىق پاندەر تاعى بار. وندا دا دەنە شىنىقتىرۋدىڭ ۇلەسى باسىم. سوندا ءبىز كوللەدجدەردە كىمدەر دايارلانادى؟ جۇمىسشىلار ما؟ جوق، الدە سپورتشىلار ما؟»، – دەپ اتاپ كورسەتتى دەپۋتات.

ال ەكى جىلدىق وقۋدان كەيىن كوللەدج تۇلەكتەرى جۇمىس تابا الماي جۇرەدى. كوللەدجدەردىڭ باسشىلىعى بولسا، اسكەرگە كەتكەن، دەكرەتكە شىققان جانە ۋاقىتشا جۇمىسقا تۇرعان تۇلەكتەردى «جۇمىسپەن قامتىلعان» دەپ ەسەپ بەرە سالادى. ال مينيستر ساعاديەۆتىڭ سوزىنە قاراعاندا، ونداي تاجىريبە ناتيجەلى جۇمىسپەن قامتۋ شارالارى اياسىندا جالعاسا بەرەدى. «جاستاردى ەكى جىل كوللەدجدە ۇستاپ قايتەمىز. ول جۇمىستى التى-جەتى ايدىڭ ىشىندە جۇمىس بەرۋشى كومپانيالاردىڭ وقۋ ورتالىقتارىندا اتقارىپ شىعۋعا بولادى. ولار ءبىلىمدى ستەندتەن ەمەس، ناقتى وندىرىستە الا الادى. وسىعان بايلانىستى «اقجول» العاشقى جۇمىس ماماندىعىن جۇمىس بەرۋشىلەردىڭ وقۋ ورتالىقتارىنان الۋدى ۇسىنادى. ال بيۋدجەت اقشاسىن سوعان باعىتتاۋعا بولادى»، – دەيدى ءابساتتاروۆ. ايتا كەتەيىك، بۇگىنگى وتىرىستا دەپۋتات امانجان جامالوۆ قر ۇلتتىق بانك توراعاسى دانيار اقىشەۆتىڭ اتىنا ساۋال جولداپ، بلوكچەين مەن كريپتوۆاليۋتالار بويىنشا ۆەدومستۆوارالىق كوميسسيانى قۇرۋدى ۇسىندى. كوممۋنيستەر ءدارى-دارمەكتەردىڭ ارزاندايتىنىنا سەنبەيمىز دەدى. ال دەپۋتات ەرتاەۆ گەنەرال مۇxتاروۆقا قاتاڭ ەسكەرتۋ جاسادى.

Back to top button