"ЭКСПО – әлемдік энергетиканың даму бағытын өзгертеді"

ЭКСПО-2017 әлемдік энергетиканың даму бағытын өзгертеді. Астанадағы халықаралық көрмеге қатысып жатқан украиналық делегация мүшесінің пікірін Хабар24 хабарлады. Олар Қазақстанның жаһандық шараға дайындығын жоғары бағалап, еліміз жасыл технологиялар саласында жаңа үрдістердің пайда болуына негіз қалайтынын айтады. Евгений Зубрицкий, баламалы энергетика саласының сарапшысы: - Осындай жоғары деңгейде ұйымдастырылған көрме орталығын өмірімде алғаш рет көріп отырмын. Көптеген шараларда болдым, бірақ аумағы 170 гектар жерді алып жатқан көрмені кездестірген емеспін. Және барлығы жаңа технологиялар, ал сәулетшілер өз жұмысын 100 %-ға орындаған.