Нью-Йорктегі ерлі-зайыпты Говард пен Сьюз Рубин колли тұқымындағы Бастер атты итіне қолайлы жағдай жасау үшін үйіне ауқымды жөндеу жүргізген. Жобаға кеткен жалпы шығын шамамен 3 миллион долларға жеткен, деп хабарлайды turkystan.kz.
Ерлі-зайыптылар бұған дейін Флоридада тұрған. Алайда Бастер ыстық әрі ылғалды ауа райына қиындықпен бейімделгендіктен, олар Нью-Йорк штатындағы Вестчестер округіне көшуге шешім қабылдаған.
Жұп жаңа үйді 1,825 миллион долларға сатып алып, жөндеу мен аумақты абаттандыруға тағы шамамен 1 миллион доллар жұмсаған.
Үйдің ішінде тоғыз теледидар орнатылған. Соның арқасында Бастер кез келген бөлмеде «Щенячий патруль» мультсериалын көре алады. Сонымен қатар бассейнге итке арналған арнайы көлбеу демалыс алаңдары жасалған.
Аулада да жануарға арналған бөлек қоршалған аумақ жабдықталып, жасанды көгал төселген.
Говард Рубиннің айтуынша, олар үй жануары үшін өмірін құрбан етпеген, алайда Бастердің жағдайына қарай күнделікті өмір салтын едәуір өзгерткен.
Қазір ерлі-зайыптылар Флоридаға қайта көшуді жоспарлап отыр. Осыған байланысты арнайы жабдықталған үй 2,9 миллион долларға сатылымға шығарылған.
