Астрахан ауданы полиция бөлімінің қызметкерлері жалпы құны 800 мың теңгені құрайтын үш ірі қара мал ұрлығын ашты, деп хабарлайды turkystan.kz.
Мал ұрланғаны туралы арыз полицияға тамыз айында түскен. Жәбірленуші үш қойының бір ай бұрын еркін жайылымнан жоғалып кеткенін айтқан. Арыз түскен бойда полицейлер жедел-іздестіру іс-шараларын жүргізді. Олар малдың жоғалу мән-жайларын анықтап, жергілікті тұрғындардан жауап алды және оқиға туралы қандай да бір ақпараты бар адамдарды тексерді.
Жүргізілген жұмыстардың нәтижесінде күдікті анықталды. Ол жәбірленушінің ауылдасы болып шықты. Қазіргі уақытта осы факті бойынша тергеу амалдары жүргізіліп, оқиғаның барлық мән-жайы анықталып жатыр.
Полиция мал ұрлығының алдын алуды ауылдық жерлердегі жұмыстың маңызды бағыттарының бірі ретінде атап өтті. Осы мақсатта полицейлер мал иелерімен профилактикалық рейдтер мен түсіндіру жұмыстарын тұрақты түрде жүргізеді.
Құқық қорғау органдары мал иелеріне жануарларды қараусыз қалдырмауға, мүмкіндігінше ортақ жайылым ұйымдастыруға және малды қауіпсіз, қоршалған аумақта ұстауға кеңес береді.
