Жыл сайын 10 тамызда Қазақстанда ұлы ақын, ойшыл, ағартушы, композитор, қазақтың жазба әдебиетінің негізін қалаушы Абай Құнанбайұлына арналған Абай күні аталып өтеді. Бұл күн ақынның туған күніне орай белгіленген, деп хабарлайды turkystan.kz.
Абайдың терең мағынаға толы шығармашылық мұрасы білім мен еңбектің, адалдықтың қадірін ұғындырып, бүгінгі ұрпаққа рухани бағдар болып келеді. Бүгінде Абайдың «Толық адам» ілімі еліміздің рухани дамуында маңызды орын алады. Осы идеялар негізінде «Адал азамат» тұжырымдамасы қалыптасып, білім беру жүйесінде жүйелі түрде жүзеге асырылып келеді.
