Жамбыл облыстық сайлау штабы үгіт-насихат жұмыстарын жалғастыруда, деп хабарлайды turkystan.kz.
«Ақ жол» демократиялық партиясы Жамбыл облыстық сайлау штабының мүшесі, партия филиалының Жастар қанатының жетекшісі Қадыржан Есенов бастаған ерікті жастар Тараз қаласындағы арнайы бекітілген орындарда сайлауалды үгіт материалдарын орналастыруда.
Ерікті жастар тобы арнайы бекітілген орындарды пайдалануда белгіленген талаптарды сақтап, үгіт материалдарын ұқыпты орналастыруға мән беруде. Сондай-ақ сайлау штабының мүшелері тұрғындарға партияның сайлауалды бағдарламасының бағыттарын түсіндіріп, Құрылтай сайлауында қолдау көрсетуге шақыруда.
