Ақтауда жаяу жүргіншілер жолағында 46 жастағы әйелді көлік қағып кетті. Полицияның мәліметінше, жүргізуші әкімшілік жауапкершілікке тартылған, деп хабарлайды turkystan.kz.
Жол апаты болған сәттің видеосы Instagram желісіндегі 112_aktau парақшасында жарияланды.
Маңғыстау облысы полиция департаментінің хабарлауынша, оқиға 18 мамыр күні Ақтау қаласында болған.
"13 және 17-шағынаудандардың арасында орналасқан жаяу жүргіншілер жолағында өткелінде Nissan Tiida көлігін басқарған 26 жастағы жүргізуші 46 жастағы әйелді қағып кеткен. Жол-көлік оқиғасы салдарынан зардап шеккен әйел медициналық мекемеге жеткізілді. Аталған дерек бойынша жүргізуші Қазақстан Республикасының Әкімшілік құқықбұзушылық туралы кодексінің 610-бабы бойынша әкімшілік жауапкершілікке тартылды. Көлік арнайы айып тұрағына қойылды", – деп хабарлады полиция.
