Ақмола облысында жоғалған зейнеткерді іздеу жұмыстары аяқталды. Ер адамның мәйіті табылды, деп хабарлайды turkystan.kz.
77 жастағы Владимир Громов «Үміт Шаңырақ» пансионатынан шамамен сағат 17:00–18:00 аралығында шығып, белгісіз бағытта кетіп қалған. Оның деменциямен ауырғаны айтылып отыр, бұл іздеу жұмыстарын қиындатқан.
Іздеу шараларына полиция қызметкерлері мен еріктілер жұмылдырылды. Нәтижесінде Владимир Громов тіршілік белгілерінсіз табылды. Оқиғаның мән-жайы анықталып жатыр.
