Францияның Париж қаласында әртістік жүзуден әлем кубогының екінші кезеңі жалғасып жатыр. Аталған турнирде Қазақстан құрамасы екінші медалін еншіледі, деп хабарлайды Olympic.kz.
Ұлттық олимпиадалық комитеттің мәліметінше, аралас дуэттер арасындағы (техникалық бағдарлама) жарыста Ясмин Исламова мен Алдияр Рамазанов 211.1267 ұпай жинап, екінші орынға ие болды.
Бірінші орынды 231.9159 ұпаймен Ресей өкілдері Алина Румянцева мен Захар Трофимов жеңіп алды. Ал, қола жүлде 207.9975 ұпай жинаған колумбиялық Эмили Минанте мен Густаво Санческе бұйырды.
