Астана қаласында Қоғамдық кеңес мүшесі, Конституциялық комиссия мүшесі Замира Кузиеваның «Бірыңғай шоғырландыру орталығы» ЖШС еңбек ұжымымен Қазақстан Республикасының жаңа Конституциясы жобасын түсіндіруге арналған кездесуі өтті, деп хабарлайды turkystan.kz.
Кездесу барысында мемлекеттілікті нығайтуға, адам құқықтары мен бостандықтарын қорғауға, заң үстемдігін қамтамасыз етуге және азаматтардың мемлекет ісін басқаруға қатысуын кеңейтуге бағытталған құжаттың негізгі ережелері талқыланды.
Кездесу кезінде Замира Кузиева бизнес қауымдастығының өкілі әрі күнделікті адамдармен тікелей жұмыс істейтін басшы ретінде өз ұстанымын білдірді.
«Мен үшін жаңа Конституция – ел дамуының алдағы жылдарға арналған бағытын айқындайтын маңызды бағдар», - деп атап өтті.
Сондай-ақ, жаһандық өзгерістер жағдайында құқықтық кеңістіктің тұрақтылығы мен болжамдылығы аса маңызды екенін жеткізді.
«Негізгі заң азаматтар мен бизнес үшін тұрақтылықты, түсінікті ережелерді және болжамдылықтықамтамасыз етуі өте маңызды», - деді ол.
Жиын барысында жобаға енгізілген әлеуметтік кепілдіктерге де ерекше назар аударылды.
«Конституция әлеуметтік кепілдіктерді, еңбек ету, қызмет түрін еркін таңдау, демалу және әлеуметтік қорғалу құқықтарын күшейтеді».
Замира Кузиева бұл нормалар экономикалық даму мен әлеуметтік жауапкершілік арасындағы тепе-теңдікті қалыптастыратынын атап өтті.
«Экономикалық даму мен әлеуметтік жауапкершілік арасындағы бұл тепе-теңдіксіз тұрақты өсім мүмкін емес», - деді ол.
Сарапшы ұсынылып отырған өзгерістердің маңызына тоқтала отырып.
«Мен үшін жаңа Конституция – мемлекет, бизнес және азаматтар ортақ ережелер мен мақсаттарды түсініп, бір бағытта алға жылжитын серіктестікке жасалған қадам», - деп атап өтті.
Кездесу барысында Қазақстан Республикасы Президентінің жаңа Конституция жобасы бойынша республикалық референдум өткізу туралы Жарлыққа қол қойғаны да айтылды. Бұл әрбір азаматқа елдің негізгі құжатына қатысты өз ұстанымын тікелей білдіруге мүмкіндік береді.
Кездесудің қорытындысында қатысушылар референдумға белсенді қатысудың маңыздылығын атап өтті. Сарапшы жаңа Конституция жобасын қолдауға, елді жаңғырту, тұрақты даму және Қазақстанның жарқын болашағы үшін дауыс беруге шақырды.
