Бесінші буынның ұялы байланысын дамыту цифрлық трансформацияның басымдықтарының бірі болып қала береді. Бұл туралы Үкімет отырысында Премьер-министрдің орынбасары – Жасанды интеллект және цифрлық даму министрі Жаслан Мәдиев баяндады, деп хабарлайды turkystan.kz.
Қазір 5G желісі еліміздің 20 қаласында қолжетімді. Биыл базалық стансаларды орнату жұмыстары жалғасатын болады.
«Осы қалалар аумағының 75%-на дейін қамту үшін жаңа 5G базалық стансаларын орнату жұмыстары жалғастырылатын болады. Сондай-ақ автожолдарды мобильді байланыспен қамту бойынша жоба іске қосылды. Бұл республикалық және облыстық маңызы бар 40 мың шақырым жолды құрайды. Жобаны алдағы екі жылда аяқтау жоспарлануда», — деді вице-премьер.
