Белгілі саясаттанушы Мақсат Жақау кеше Астанада өткен ауыл әкімдерінің диалог-платформасының ерекшелігіне тоқталып өтті. Оның айтуынша, бұл диалог жергілікті басқару сапасының маңызын арттырады, деп хабарлайды turkystan.kz.
"Диалог форматы – бұл дамудың озық үлгісі. Азаматтық қоғамның жарқын бейнесі. Халықтық билік жүйесінің оңтайлы вертикальдік қарым-қатынасы. Диалогтың нақты жергілікті басқару сапасының маңызын арттырып, биліктің әр деңгейдегі кешенді шешімі болды.
Мұндағы басты басымдық, ауыл әкімдерінің сайлану практикасының өз нәтижесінің бере бастағаны, саяси ұйымдардың 1500-ден астам өкілі әкім болып сайланды. Жаңа басшылардың қатарында алты партияның мүшелері бар. Ал 700-ден астам азамат өзін-өзі ұсынып, сайлауда жеңіске жетті. Сондағы әкімдердің басым бөлігі – «AMANAT» партиясының өкілдері, олар заманауи жауапкершілік стандартын және халықпен жұмыстың жаңа деңгейін көрсетті", – дейді маман.
Саясаттанушының пікірінше, ауыл әкімдері құрамының 60 пайызға жаңаруы көп өзгеріске сеп болмақ.
"Әсіресе, жастардан құралған жергілікті мемлекеттік басқару элитасының жаңа сапалы деңгейіне көтерді десек қате пікір болмас. Жаңа ауыл әкімдер құрамының 60 пайызға жаңаруы әкімдер мектебінің жергілікті басшылықты кәсіби деңгейге өсіріп, заманауи сұраныстармен басқару мәдениетін нығайтатыны анық. Бұл жерде сандық-технологиялық өзгерістер, бір терезеден қызмет көрсету үдерістерімен жүрген әкімшіліктік реформалардың үлес-салмағын ескеру қажет.
Әлбетте, бұрын-соңды болмаған форматта диалог-платформада, шалғайдан, елдің түпкір-түпкірінен келген төменгі деңгейдегі әкімдердің жоғары билік өкілдерімен тікелей кездесуі – қоғамдық диалогтың трансформациясын күшейтіп, мақсатты тиімділігін арттырады.
Мемлекет басшысы «әкім – ең алдымен, халықпен тікелей жұмыс істейтін мемлекеттік қызметші» деуінен, қазіргі заманғы әкімнің образы – еліне жанашыр адал азамат, жаңа буынның тиімді менеджері, халықтың тұрмыс-тірішілігіне тікелей әсер ететін жергілікті деңгейде шешетін тұлға. Ауыл әкіміне қазір қойылып отырған үлкен жауапкершілік те осында", – дейді маман.
