Павлодар әуежайы 2026 жылдың тамыз айында рейстерді қабылдай бастайды, деп хабарлайды turkystan.kz.
Павлодар облысының әкімі Асаин Байхановтың айтуынша, ұшу-қону жолағы апатты жағдайда болған, бұл арнайы сараптамамен расталған. Толық реконструкциясыз әуежай Көлік министрлігінің авиациялық қауіпсіздік комитетінен аккредитация ала алмайтын еді.
Қазіргі уақытта ауа райына байланысты жұмыс уақытша тоқтатылған, бірақ көктемде қайта жалғасады. Реконструкцияны 2026 жылдың шілде айында аяқтау жоспарланған, содан кейін әуе айлағы тұрақты әуе қатынасына ашылады.
