Қостанай облысында дала өртін сөндіруге ТЖМ «Қазавиақұтқару» тікұшағы тартылды, деп хабарлайды turkystan.kz.
Қамысты және Наурызым аудандарында құрғақ өсімдіктердің жекелеген ошақтары тіркелген. Ұрқаш және Дружба ауылдарының арасында от локализацияланған.
— Өрт сөндірушілерге көмекке «Қазавиақұтқару» МИ-8 тікұшағы тартылды, оған 16 су төгу жұмысы іске асырылып, шамамен 48 текше метр су құйылды. Борт тек сөндіруге ғана емес, сонымен қатар аумақты аэровизуалды тексеруге де қатыстырылған, — делінген хабарламада.
