Құтқарушылар Сайрам-Өгем мемлекеттік ұлттық табиғи паркіндегі Сайрам шыңына шығуға кеткен екі ер адамды іздестіріп жатыр, деп хабарлайды turkystan.kz сайты BAQ.kz-ке сілтеме жасап.
Бұл Түркістан облысындағы ең биік шың, оның биіктігі төрт мың метрден асады.
Ақпарат көздерінің хабарлауынша, ер адамдар тамыздың 31-і күні таңертең шыңға шығып, сол күні кешке қайтамыз деген ниетпен кеткен. Алайда олар әлі үйлеріне оралмады.
Құтқарушылар мен ТЖД мамандары іздеу жұмыстарын жалғастыруда.
