Конституциямыздың 30 жылдығы – еліміз үшін тарихи меже. Бұл туралы Қасым-Жомарт Тоқаев Конституцияның 30 жылдығына арналған конференцияда айтты, деп хабарлайды turkystan.kz.
«Бүгін арамызда Конституциямыздың алғашқы жобаларын әзірлеуге қатысқан азаматтар отыр. Соңғы конституциялық реформаны жүзеге асыруға белсене атсалысқан бұрынғы депутаттар мен белгілі ғалымдар бар.
Бәріңізге зор ризашылығымды білдіремін.
Мен Конституцияның 30 жылдығына орай мемлекеттік наградамен, соның ішінде мерекелік медальдар бар, бір топ азаматты марапаттау туралы шешім қабылдадым.
Баршаңызға амандық, табыс тілеймін! Конституциямыздың айбыны асқақ болсын!», – деді Президент.
