Қазақстандық дзюдошылар арасында алғаш рет Әбиба Әбужақынова әлем чемпионатының финалында бақ сынады, деп хабарлады turkystan.kz.
Будапешт төрінде өтіп жатқан дүбірлі додада Әбиба жартылай финал сатысында Испания атынан қатысып жатқан Лаура Мартинес Абеленданы айқын басымдықпен жеңіп, шешуші белдесуге өткен болатын. Финалда отандасымыздың италиялық Асунта Скуттодан жеңіліп қалды. Әйтсе де, Әбибаның күміс медалі — Қазақстан әйелдер дзюдосында бұрын-соңды болмаған олжа.
