Қарағандылық қарияның көлікке ақшасы болмаған. Сол себепті жаяу он сағаттан аса уақыт жүрген, деп хабарлайды turkystan.kz.
Шаршаған және титықтаған зейнеткер жол жиегімен келе жатқан. Өтіп бара жатқан жүргізуші тоқтап, қарт адамның не себепті жалғыз өзі жаяу жүргенін сұраған.
Оның есепшоттары микрокредит ұйымына берешегі үшін бұғатталған, ал зейнетақысын белгісіз адамдар алып отырған.
"Ол жастағы адамның жалғыз, көмек пен ақшасыз жүргенін көру жүректі ауыртады", – деді қарт адамның жағдайын біліп, тоқтаған Нұржан Махамбетов.
Жолда тоқтаған жүргізуші – Түркістан облысының Әділет департаментінің басшысы болып шықты. Ол жай ғана өтіп кетпей, қарт кісіге есепшоттарын бұғаттаудан босатып, қайта қол жеткізуіне көмектескен.
Махамбетовтің айтуынша, адамдар кездейсоқ кездеспейді: олар не сіздің өміріңізді өзгертеді, не сіз олардың өмірін өзгертесіз.
