2025 жылдың екінші жартысынан бастап қазақстандықтар Өзбекстанға шетелдік төлқұжатсыз кіре алады, деп хабарлады turkystan.kz.
Енді тек жеке куәлік жеткілікті болады.
Екі елдің сыртқы істер министрліктерінің мәліметінше, келісім соңғы келісу кезеңінде тұр және 2025 жылдың соңына дейін күшіне енуі мүмкін.
Не өзгереді:
• Өзбекстанға кіру — жеке куәлікпен
• Паспортсыз және визасыз болу мерзімі — 30 күнге дейін
• Ұзақ уақытқа қалу үшін — бұрынғыдай виза немесе уақытша тұруға рұқсат қажет
Бұл шешім сапарларды жеңілдетіп, елдер арасындағы байланыстарды нығайтып, шекарада уақытты үнемдеуге мүмкіндік береді.
