Қ.Жұбанов атындағы Ақтөбе өңірлік университеті директорлар кеңесінің жаңа төрағасы тағайындалды, деп хабарлайды turkystan.kz.
Кеңес мүшелерінің дауыс беруі нәтижесінде, директорлар кеңесінің төрағасы лауазымына Талғат Дүйсеков сайланды.
Талғат Дүйсековтің түрлі салада, оның ішінде білім беру, мемлекеттік басқару және бизнесте мол тәжірибесі бар. Бұған дейін коммерциялық және коммерциялық емес ұйымдарда жетекші лауазымдар атқарды. Сондай-ақ Еуразия ұлттық университетінің директорлар кеңесінің мүшесі болған. Қазір ол қоғамдық қызметке белсенді араласып, Астанадағы «AMANAT» партиясының қалалық филиалында Экономика және кәсіпкерлікті дамыту мәселелері жөніндегі кеңестің төрағасы қызметін атқарады.
Т.Дүйсеков әлемнің жетекші университеттерінде білім алған: DOKUZ университеті ( Түркия), ҚР Президентінің жанындағы Мемлекеттік басқару академиясы, Түмен мемлекеттік мұнай-газ университеті (Ресей), сондай-ақ Sussex университеті (Ұлыбритания) мен Yale университеттерінде (АҚШ) біліктілікті арттыру курстарынан өткен.
