«Іле-Алатау» мемлекеттік ұлттық табиғи паркінде сирек кездесетін қар барысы фототұзаққа түсіп қалды. Кадрлар 7-13 ақпан аралығында түсірілген, деп хабарлады turkystan.kz.
«Ғылыми инспекторлар тәулік бойы парктің аумағын бақылап, биоалуантүрлілікті сақтау бойынша зерттеу жүргізеді. Олардың қажырлы еңбегі мен табандылығының арқасында фототұзақтар дұрыс жерлерге орнатылып, нәтижеге қол жеткізілді» - делінген ұлттық парк жазбасында.
Қар барысы Халықаралық табиғатты қорғау одағының Қызыл тізіміне, сондай-ақ мекендейтін барлық елдің Қызыл кітабына енгізілген.
