Көші-қон заңын бұзған шетелдіктер елден шығарылды

Павлодар облысында көші-қон заңнамасын бұзған шетелдік төрт азамат елден шығарылды, деп хабарлайды turkystan.kz.

Екібастұзда өтіп жатқан "Заңсыз келуші" жедел-профилактикалық іс-шарасы барысында полицейлер заңсыз еңбек етіп жүрген шетелдіктерді анықтады.

Тексеру нәтижесінде зауыттардың бірінде Өзбекстан Республикасының алты азаматы, ал қайталама шикізатты қайта өңдеу цехында Тәжікстан Республикасының екі азаматы заңсыз жұмыс істегені белгілі болды.

Оларда құзырлы органдардың рұқсаты болмаған. Ал жұмыс беруші оларды полицияға тіркемеген.

Құқық бұзушыларға қатысты материалдар сотқа жолданды.