Президент әуежай қызметкерін құтқарған адамға марапат беруді тапсырды

Мемлекет басшысы Қасым-Жомарт Тоқаев Алматы әуежайында адамды кепілге алу жағдайы жөнінде хабардар. Бұл туралы Президенттің баспасөз хатшысы Руслан Желдібай мәлімдеді.

Президент қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды, – деді ол.

Естеріңізге сала кетейік, Алматы әуежайында ер адам әуежайда жұмыс істейтін әйел адамды кепілге алғаны туралы хабарлаған болатынбыз. Ол әйел адамды пышақ кезеген.