Дәрігерлер олардың жағдайын орташа ауыр деп бағалады
Темір ауданындағы Ақтөбе – Атырау – Астрахань тас жолында болған жол-көлік апаты салдарынан үш Өзбекстан азаматы жарақат алды.
“Диапазон” басылымының мәліметінше, оқиға 28 ақпан күні сағат 19:00 шамасында болған. Chevrolet Cobalt пен Volkswagen маркалы көліктер қатты соқтығысып, соның салдарынан көліктердің бірі бірнеше бөлікке бөлініп кеткен.
Облыстық денсаулық сақтау басқармасы зардап шеккендер ауруханаға жеткізілгенін хабарлады. Барлығында көптеген дене жарақаты мен жабық бас-ми жарақаты бар. Дәрігерлер олардың жағдайын орташа ауыр деп бағалады.
