159
Алматыда пәтер тонаумен айналысқан 2 күдікті ұсталды (ВИДЕО)
Олар жеке үйлердің бірін тонап шыққан сәтінде қолға түскен. Тұрғын үйден алынған алтын бұйымдар ломбардқа өткізілген.
Алматының Алатау ауданында пәтер тонаумен айналысқан күдіктілер ұсталды. Олар бұған дейін де мүліктік қылмыстар жасағаны үшін қылмыстық жауапкершілікке тартылған.
Қазіргі таңда күдіктілердің "Мәдениет" және "Қарасу" шағын аудандарында кемінде төрт пәтер ұрлығына қатысы бар екені анықталды. Олар жеке үйлердің бірін тонап шыққан сәтінде қолға түскен. Тұрғын үйден алынған алтын бұйымдар ломбардқа өткізілген.
Күдіктілердің қозғалыс бағыты бейнебақылау жүйелері арқылы анықталды. Тергеу барысында бұл екі адамның бөтеннің мүлкін ұрлаудың төрт дерегіне қатысы бар екені белгілі болды.
Қазір олар қамауға алынды.
