195
Атырау облысында жантүршігерлік апаттан екі адам көз жұмды
Апат Доссор – Құлсары – Бейнеу трассасында болған.
Атырау облысының Полиция департаментінің баспасөз қызметінің хабарлауынша көз жұмған жүргізушіге жол полициясы қызметкерлері апат болардан бір сағат бұрын тайғақ жолда абайлап жүру керектігін ескерткен.
Жол-көлік апаты 15 қаңтар күні Доссор – Құлсары – Бейнеу трассасының 53-ші шақырымында болған. Қоғамдық көлік Chevrolet Cobalt автокөлігімен соқтығысқан. Салдарынан Chevrolet Cobalt автокөлігінің 48 жастағы жүргізушісі мен жолаушысы оқиға орнында қаза тапқан.
Қазір полиция оқиғаның мән-жайын анықтап жатыр.
«Құрметті жүргізушілер! Жол тайғақ, қауіпті. Сол себепті жол жүру ережелерін қатаң сақтауды сұраймыз», - делінген полиция хабарламасында.
