ТЖМ өкілдері қар көшкініне байланысты ескерту жасады
Қар көшкіні жүруі мүмкін деген ескерту болған жағдайда, тауға барудан бас тартқан жөн
ТЖМ мәліметінше, республикамыздың таулы аудандарында болатын әртүрлі дәрежедегі қар көшкіні тұрғындарға қауіп төндіруі мүмкін. Қар көшкіні Алматы қаласындағы Іле Алатауы жотасының беткейлерінде және ШҚО-ның Алтай тауларында жиі байқалады.
Қыстың басы мен көктемнің басы қар көшкіні белсенді болатын ең қауіпті кезеңдер болып саналады.
Биыл жалпы көлемі шамамен 1,2 млн м3 213 қар көшкінінің өздігінен түсуі тіркелген. Жалпы қазіргі уақытта қар биіктігі норма шегінде немесе нормадан асады.
«Жыл басынан бері «Қазселденқорғау» халықтың, автожолдардың және тау шаңғысы базаларының қауіпсіздігін қамтамасыз ету мақсатында 112 қар көшкінін алдын ала түсіру жұмыстарын жүргізді, түсірілген қардың жалпы көлемі – 219 мың м3. Қауіпті кезеңдерде қар көшкіні қаупі бар аймақтарға халықтың және автокөліктің жүруін шектеу бойынша блок-бекеттер қойылды. Қауіпті кезең басталғанға дейін жергілікті атқарушы органдарға, қар көшкіні қаупі бар аймақтарда орналасқан тұрғын үй иелеріне және ұйымдардың басшыларына тиісті ұсынымдар берілді», - дейді «Қазселденқорғау» ММ басшысы Ерболат Садырбаев.
ТЖМ мәліметінше, тау шаңғышылары, туристер мен альпинистер қар көшкініне тап болуы мүмкін. Сондықтан қар көшкіні астында қалмау үшін, тауға жиналатын әрбір адам қар көшкіні кезінде және тауларда өзін ұстаудың негізгі ережелерін үйренуге міндетті.
«Қар көшкіні жүруі мүмкін деген ескерту болған жағдайда, тауға барудан бас тартқан жөн. Егер ескерту болмаса, онда жолға шықпас бұрын метеорологиялық болжамдарды білу, қозғалыс маршруттарын жасау, дайындалмаған учаскелерде жүріп-тұрудан және сырғанаудан қалыс қалу, белгілінген соқпақтармен жүру, сондай-ақ көшкін қаупі бар жерлер туралы мүмкіндігінше көбірек білу, қауіпті беткейлерден барынша аулақ болу қажет.
Тауға шығар алдында қалың қар жауса, жорықты екі-үш күнге кейінге қалдырған жөн, ал қар көшкіні болмаған жағдайда, ол отырғанша күткен жөн. Сондай-ақ тауға жалғыз бармау өте маңызды: топпен жүру керек. Бұл қар көшкіні кезінде сақтандыруды қамтамасыз етеді, мысалы топқа қатысушылар көшкін лентасымен байланған болса, бұл қар басқан спутникті анықтауға мүмкіндік береді», - деп ескертті министрлік өкілдері.
Төтеншеліктер тау беткейлеріндегі қардың тұрақсыз жағдайына байланысты қар көшкінін болдырмау үшін таулардың қар басқан беткейлеріне шықпауды және тауларға барудан бас тартуды ұсынады
