Астанада «IV ректорлар мектебі» форумы басталды
Форум үш күнге жалғасады.
«Ulttyq Ustaz онлайн академиясы» 2024 жылғы 28-қараша күні Астана қаласында «IV ректорлар мектебі» - «АІ дәуіріндегі жаңа университеттер: HR vs AI» форумы басталды. Форум үш күнге жалғасады (28-30 қараша).
ҚР Президенті Қ.Тоқаевтың 2024 жылғы Жолдауы сапалы білім беру мәселесін алдыңғы қатарға шығарып, елдің білім беру жүйесін жаңғыртуды көздейді. Президент ұсынған реформалар оқу орындарының материалдық-техникалық базасын нығайтуға, мұғалімдер мен оқытушылардың біліктілігін арттыруға және заманауи білім беру әдістерін енгізуге бағытталған. Сапалы білім – елдің болашағын айқындайтын басты факторлардың бірі, сондықтан бұл саланы дамыту Қазақстанның ұзақ мерзімді дамуының кепілі болмақ - деп айтылған.
Ректорлар мектебі аясында екінші «Декандар мектебі» өтеді.
Біздің форумның қонақтары - бизнес университеттердің, мемлекеттік сектордың және ҮЕҰ топ-менеджменті.
Форумның басты спикерлері қоғам қайраткері, ҚР Премьер-министрінің кеңесшісі Ералы Тоғжанов, ҚР Ғылым және жоғары білім министрі Саясат Нұрбек, «AMANAT» партиясының хатшысы Шолпан Каринова, Рае Квон Чунг – Нобель сыйлығының лауреаты, Ольгун Чичек - Board Director INQAAHE директорлар кеңесінің мүшесі, Барбара Энн Оукли – Окленд университетінің инженерия профессоры.
IV ректорлар мектебінің алғашқы күнін белгілі фотограф Оспан Әлидің «AqJaima» фотокөрмесі ашты.
Форум «Ulttyq USTAZ онлайн академиясы» жобасы шеңберінде ұйымдастырылған және университеттерде инновациялар мен өзгерістерді енгізуге қабілетті білім беру көшбасшыларының басқарушылық құзыреттерін дамытуға бағытталған, бұл жасанды интеллект дәуірінде ЖОО дамуының жаңа моделін қалыптастыруға мүмкіндік береді.
Форумның негізгі тақырыптары:
1. Жасанды интеллекттің қарқынды дамуы жағдайында университеттердің трансформациясы;
2. AI дәуіріндегі университеттердің жаңа моделі;
3. Білім беру ортасындағы адамдар мен жасанды интеллекттің өзара қарым-қатынасы;
4. Адами капиталды басқару және университеттердің болашағындағы HR рөлі;
5. Университет мен бизнестің арасындағы серіктестік.
Іс-шараға білім беру саласындағы шетелдік сарапшылардың, мемлекет және қоғам қайраткерлерінің және басқа да белгілі тұлғалардың қатысуы жоспарлануда.
Жыл сайын форумға Азия, Еуропа, Оңтүстік-Шығыс Азия және АҚШ университеттерінің өкілдері қатысады. Биылғы жылы бағдарлама білім беру саласындағы шетелдік сарапшылар мен мемлекеттік және қоғамдық институттар өкілдерінің сөз сөйлеуінің арқасында ерекше назар аударады деп күтілуде.
