199
Ақтөбе облысында 4 адам қар құрсауында қалып қойған
ТЖМ ауа-райы қолайсыз болған жағдайда елді мекендерден шығу өмірге қауіп төндіруі мүмкін екенін еске салады!
Бүгін түнде ҚР Төтенше жағдайлар министрлігінің қызметкерлері қар құрсауында қалған 4 адамды құтқарды, деп хабарлады turkystan.kz.
Ақтөбе облысы Хромтау ауданы Абай ауылына жақын маңайда 2 ер адам ауа райының қолайсыздығына қарамастан мал тексеруге кетіп, қарда тұрып қалған.
Оқиға орнына дереу жеткен құтқарушылар қар құрсауында тұрып қалған жеңіл автокөлікті эвакуациялап, адамдарды құтқарды.
Осы сапардан қайтар жолда құтқарушылар қарда тұрып қалған, ішінде екі адамы бар жеңіл автокөлікті көріп, оларды да эвакуациялап, құтқарды.
Аталған азаматтар тұрғылықты жеріне жеткізілді. Ешкім медициналық көмекке мұқтаж болған жоқ.
ТЖМ ауа-райы қолайсыз болған жағдайда елді мекендерден шығу өмірге қауіп төндіруі мүмкін екенін еске салады! Өзіңізді және жақындарыңызды негізсіз тәуекелге ұшыратпаңыз!
