Брифинг барысында ҚР Қорғаныс министрлігінің тәрбие және идеологиялық жұмыс департаментінің бастығы Тілеухан Басхожаев жас қазақстандықтар әскерге барғысы келмейді деген пікірмен келіспеді, деп хабарлады turkystan.kz.
«Барлық ата-аналар балаларын әскерге жіберуге қорқады деуге келмейді», - деп сендірді Тілеужан Басқожаев.
Оның айтуынша, әскердегі қайғылы оқиғалардың 85-90% - ы әскери бөлімдерден тыс жерлерде болған.
«Қазақстандықтар әскерге қызмет еткісі келмейді деп» жалпылап айтудың қажеті жоқ. Біз қоғамда түрлі пікірлер бар екенін түсінуіміз қажет. Кейінгі 2-3 жылда бізде әскери қызметшілерді жасақтау 110-120%-ға дейін орындалды. Біздің барлық әскери оқу бөлімдерінде бір әскери қызметшінің орынына 4 адамнан келеді. Қазақстандықтардың әскери қызметке барғысы келмейді деу – негізсіз», - деп түсіндірді Тілеужан Басқожаев.
Қорғаныс министрінің Тәрбие және идеологиялық жұмыс жөніндегі орынбасары, генерал-майор Шайх-Хасан Жазықбаев Қазақстан әскерінде өлім-жітім дерегі неге артқанына қатысты түсінік берді.
Министрдің айтуынша, бейбіт уақытта армияда әскери қызметшілер өліп жатыр, жеке құрамда әлімжеттік бар деген қоғамда қате түсінік қалыптасқан.
Әскердегі өлім-жітім, жарақаттану сынды әскери қызметтегі қауіпті факторларға тоқталайын. Армия – спецификалық әлеуметтік организм. Онда өміріңізде қауіп төнетін жағдайлар болады. Бұл – жауынгерлік техниканы пайдалану, жаттығулар, атыс, маневр және шерулер. Сондай-ақ әскери қызметшілер нақты жауынгерлік құралдарды пайдаланады, - деді Шайх-Хасан Жазықбаев.
Басшы соңғы уақытта армияда адам өлімі тіркеліп жатқанын жеткізді.
Өкінішке қарай әскери қызметшілердің қаза болу фактілері тіркеліп жатыр. Әрине, соңғы жылдары әскери оқу-жаттығудың қарқындылығы күрт артты. Осылайша, жарақат алу қаупі де жоғарылады. Бүгінде әскери қызметшілердің қаза болуының барлық жағдайы бейбіт тұрғындардың өліміне ұқсас, - деді ол.
