Қостанай облысында полиция капитаны сотталды
Сотталушы өз кінәсін мойындамады, оның қорғаушылары оның әрекетінде қылмыс құрамының болмауына байланысты ақтауды сұрады.
Қостанай қаласы ПБ Есірткі қылмысына қарсы күрес бөлімі бастығының орынбасары синтетика таратқаны үшін 15 жылға бас бостандығынан айрылды. Бұл туралы бүгін, 2024 жылғы 28 тамызда Жоғарғы соты мәлімдеді, деп хабарлады turkystan.kz.
Қылмыстық іс Қостанай облысының қылмыстық істер жөніндегі мамандандырылған ауданаралық сотында қаралды. Полицей «лауазымды адам өзінің қызметтік бабын пайдалана отырып, есірткі құралдарын аса ірі мөлшерде өткізу мақсатында заңсыз сақтады, тасымалдады, сол сияқты лауазымдық өкілеттіктерін асыра пайдаланды» деп айыпталды. (ҚК-нің 412-1-баптың 3-бөлігінің 1)-тармағы, 297-баптың 3-бөлігінің 2), 3), 4)-тармақтары, 362-баптың 4-бөлігінің 3-тармағы).
Сот анықтады
Қостанай қаласы ПБ Есірткі қылмысына қарсы күрес бөлімі бастығының орынбасары тергеумен анықталмаған полиция қызметкерлерімен топпен бірлесе отырып, денсаулығына зиян келтіру және қорқыту арқылы бір азаматты кейіннен әшкерелеу және қылмыстық жауапкершілікке тарту мақсатында екінші азаматты аса ауыр қылмыс жасауға итермеледі.
Бұл ПБ-ның лауазымды тұлғасы қызметтік көлікте бола отырып, қылмыстық әрекетке еліктеп адамға аса ірі көлемде психотроптық заттар мен олардың аналогтарын заңсыз, бірнеше рет өткізген.
Тексеру барысында оның автокөлігінің салонынан аса ірі көлемде өткізу мақсатында заңсыз сақтап, тасымалдап жүрген гашиш пен меткатинон (психотроптық заттың аналогы) табылып, тәркіленді.
Тараптардың ұстанымдары
Сотталушы өз кінәсін мойындамады, оның қорғаушылары оның әрекетінде қылмыс құрамының болмауына байланысты ақтауды сұрады.
Сотталушының кінәсі жәбірленушілердің, куәлардың айғақтарымен, тергеу әрекеттерінің хаттамалары мен бейнематериалдарымен, сот сараптамасының қорытындыларымен және басқа да іс материалдарымен толық дәлелденді.
Жаза тағайындау бойынша
Айыпталған баптардың санкциялары бас бостандығынан айыру түріндегі баламасыз жазаны қарастырады:
- ҚК-нің 412-1-бабының 3-бөлігінің 1) тармағы бойынша - 10 жылдан 12 жылға дейінгі мерзімге,
- ҚК-нің 297-бабы 3-бөлігінің 2), 3), 4) тармақтары бойынша - 10 жылдан 15 жылға дейінгі мерзімге,
- ҚК-нің 362-бабы 4-бөлігі 3) тармағы бойынша - 5 жылдан 10 жылға дейінгі мерзімге.
Сотталушының асырауында кәмелетке толмаған балалардың болуы жауаптылықты жеңілдететін мән-жайлар деп танылды.
Ауырлататын факторлар анықталмаған.
Сотталушының жеке басын, іс-әрекетінің сипаты мен қоғамдық қауіптілік дәрежесін, істің барлық мән-жайларын ескере отырып, сондай-ақ ҚК-нің 55-бабының 2-бөлігінің нормаларын қолдана отырып, сотталушыға мемлекеттік қызметте лауазымдарды атқару құқығынан өмір бойына айыра отырып, 15 жылға бас бостандығынан айыру жазасы берілді.
Ол «полиция капитаны» арнайы атағынан айырылды.
Үкім заңды күшіне енген жоқ.
