Тараз тұрғындарын 19 млн теңгеге алдап кеткен ресейлік ұсталды
Алаяқтар «WhatsApp» бейнебайланысы арқылы алаяқтық жолмен несие рәсімдеп, жәбірленушілердің 19 миллион теңгесін иемденген.
Тараз қаласының тұрғындарын 19 млн теңгеге алдап кеткен ресейлік шекарада ұсталды.
Жамбыл облысы прокуратурасының мәліметінше, 18 шілдеде тараздықтарды интернет желісі арқылы алдап кеткен ресейлік ұсталған. Күдікті сәуір-мамыр аралығында сыбайластарымен бірге әртүрлі нөмірлерден жәбірленушілерге қоңырау шалып, өздерін екінші деңгейдегі банктердің қауіпсіздік қызметінің қызметкерлері немесе құқық қорғау органдарының қызметкерлері ретінде таныстырған. Олар белгісіз адамдар жәбірленушілердің атынан несие алмақ болғанын айтып, сендірген.
Осы схеманы пайдалана отырып, алаяқтар «WhatsApp» бейнебайланысы арқылы алаяқтық жолмен несие рәсімдеп, жәбірленушілердің 19 миллион теңгесін иемденген.
Аталған факті бойынша 2024 жылы 25 сәуірде ҚР ҚК 190-бабының 4-бөлігі 2-тармағы бойынша сотқа дейінгі сотқа дейінгі тереп-тексеру басталған. Күдікті мемлекеттік шекара бекетінен Қырғыз Республикасына қарай өту кезінде ұсталды, – делінген прокуратура хабарламасында.
Қазір тергеу амалдары жүргізіліп жатыр.
