524
СҚО-да Қылмыстық атқару жүйесі департаментінің бастығы ұсталды
Ақпаратты Сыбайлас жемқорлыққа қарсы іс-қимыл агенттігінің баспасөз қызметі растады.
Сыбайлас жемқорлыққа қарсы іс-қимыл агенттігінің баспасөз қызметі Солтүстік Қазақстан облысының қылмыстық атқару жүйесі департаментінің бастығы жемқорлық күдігімен ұсталғанын мәлім етті.
«Сыбайлас жемқорлыққа қарсы қызмет Солтүстік Қазақстан облысы бойынша қылмыстық атқару жүйесі департаментінің бастығы сотқа дейінгі тергеу шаралары аясында ұсталғанын растайды. Кейін қосымша ақпарат береміз», - делінген агенттіктің ресми мәліметінде.
«Письма президенту» Telegram-арнасы 9 шілдеде Әділет Мұстафиновтың «белгісіз бір әйелден» 1 миллион теңге көлемінде пара алды деген күдікпен өз кеңсесінде ұсталғанын хабарлаған.
Мұстафинов 2023 жылдың мамыр айынан бері Солтүстік Қазақстан облысы бойынша Қылмыстық іздестіру департаментін басқарып келеді.
