832
Жалаң аяқ, азып-тозған Төреғали Төреәліні көпшілік танымай қалды (ВИДЕО)
Өтіп бара жатқан адамдар оны видеоға түсірген.
Әнші Төреғали Төреәли жаңа образымен көпшілікті таң қалдырды. Жалаң аяқ, жалбыр-жұлбыр әншіні тіпті дауысынан да ешкім танымаған. Әнші әлеуметтік желілерде бейнежазба жариялады.
Ол қалың сұр сақал, бас киім, тозған шалбар және резеңке аяқ киім киген. Осы кейіпте ол Алматының Арбатына шығып, ән айтқан.
Өтіп бара жатқан адамдар оған тиын-тебен тастап, видеоға түсіріп, әнін тыңдаған.
Көпшілік әншіні сақалын алып тастағаннан кейін ғана танып, қатты таң қалғанын байқауға болады.
