775
Қар, бұршақ: 27 мамырға арналған ауа райы болжамы жарияланды
Еліміздің басым бөлігінде жауын-шашын болады, еліміздің солтүстігі мен шығысында қатты жаңбыр жауып, соңы қарға ұласуы мүмкін
"Қазгидромет" 27 мамырға арналған ауа райы болжамын жариялады, деп хабарлады turkystan.kz.
Еліміздің басым бөлігінде жауын-шашын болады, еліміздің солтүстігі мен шығысында қатты жаңбыр жауып, соңы қарға ұласуы мүмкін.
ҚР басым бөлігінде түнде жауын-шашын, шығыста қатты жауын-шашын (жаңбыр, қар), еліміздің солтүстік-шығысында да нөсер жаңбыр болады деп күтіледі. Еліміздің оңтүстігінде ғана антициклонның әсерінен жауын-шашынсыз ашық ауа райы сақталады. Республикамыз бойынша желдің екпін алуы тән. Солтүстік өңірде бұршақ түседі, орталығымызда қатты жел тұрады, оңтүстік-шығыста түнгі уақытта тұман болады деп болжанады.
