712
Жаңбыр, найзағай: 21 сәуірге арналған ауа райы болжамы
Бүгін ауа райы қандай болады?
Қазгидромет 21 сәуірге арналған ауа райы болжамын жариялады, деп жазады turkystan.kz.
Республикамыздың басым бөлігі ауқымды антициклон әсерінде болғандықтан жауын-шашын жаумайды. Тек күндіз Қазақстанның оңтүстік-батысында және қиыр солтүстігінде аздаған жаңбыр сіркірейді.
Сондай-ақ республиканың оңтүстік, оңтүстік-шығысындағы таулы аудандарда атмосфералық фронттардың әсерінен жаңбыр жауып, найзағай жарқылдайды. Қазақстан бойынша жел күшейеді. Елдің оңтүстік-батысында, солтүстік-батысында, оңтүстігінде, оңтүстік-шығысында шаңды дауыл, оңтүстігінде – дауыл, солтүстігінде түнгі және таңертеңгі сағаттарда тұман түседі.
