Қазгидромет тәулік бойғы жұмыс режиміне көшті
8 сәуірде 9 ауа райына байланысты ескерту және 9 гидрологиялық ескерту шығарылды.
8 сәуірден бастап су тасқыны қаупінің жоғары болуына байланысты Қазақстанның Ұлттық гидрометеорологиялық қызметінің гидрологиялық және ілеспе департаменттері тәулік бойы жұмыс режиміне ауыстырылды.
Бұл туралы ҚР Экология, шеология және табиғи ресурстар министргінің баспасөз қызметінен хабарлады.
Қазгидрометтің барлық жердегі Бақылау желісіндегі бақылаушылар, синоптиктер мен гидрологтар 24/7 кесте бойынша тұрақты негізде жұмыс істеді, енді оларға кәсіпорынның басшылығы, болжамды және ақпараттық қызметтері қосылды.
Қазақстанның барлық облыстарында орналасқан барлық 15 филиалдан келіп түсетін ақпаратты өңдеу және талдау қазір тәулік бойы жүргізілуде.
Бүгінгі таңда су тасқыны қаупі бар аймақта Атырау, Ақтөбе, Қостанай, Батыс Қазақстан, Солтүстік Қазақстан, Ақмола, Шығыс Қазақстан облыстары және Абай облысы бар. Мұнда су нысандарын бақылау жылдам режимге ауыстырылды, нақты деректер үнемі өңделеді. Барлық дайын ақпарат мемлекеттік және жергілікті органдарға тәулік бойы келіп түседі.
Тек 8 сәуірде 9 ауа райына байланысты ескерту және 9 гидрологиялық ескерту шығарылды.
