Белгілі әнші Мақпал Жүнісова қазіргі кезде еліміздің түкпір-түкпірінде жеке ән кешін өткізіп жүр. Кезекті бір концертте өнер иесіне тыңдарманы гауһар тасты жүзік таққан.
Аталмыш сәттің видеосын Мақпал Жүнісова Instagram-дағы парақшасына жариялады.
«Гауһар тасты жүзік сыйлаған тыңдарманыма рақмет», – деп жазды әнші.
Видеода концертке келген әйелдің әншінің қолына жүзік тағып, арқасына орамал жапқанын көруге болады.
Желі қолданушылары әншінің қуанышына ортақтасып, жылы лебізін жарыса жазды.