«Қазгидромет» РМК 22 қыркүйекке арналған ауа райы болжамын ұсынды, деп хабарлады turkystan.kz.
Синоптиктердің мәліметінше, ертең еліміздің басым бөлігі антициклонның ықпалында болады.
Республиканың шығысы мен оңтүстік-шығысында атмосфералық фронтальды бөліктердің өтуімен күн райы тұрақсыз болады. Жаңбыр жауып, найзағай ойнайды. Оңтүстік-шығыстағы таулы аймақтарда қар аралас жаңбыр жауады.
«Астанада көшпелі бұлт шығады, жауын-шашынсыз. Ауа температурасы түнде +5+7, күндіз +18+20 градус болады. Алматыда күн бұлтты, арасында қатты жаңбар жаууы ықтимал. Ауа температурасы түнде +9+11, күндіз +12+14 градус жылы болады», – делінген хабарламада.