Жетісу облысының полиция қызметкерлері Қаратал ауданында хабарсыз кеткен үш жасөспірімнің біреуін тапты, деп хабарлады turkystan.kz.
Polisia.kz сайтының мәліметінше, жедел іздестіру шаралары барысында Жетісу облысының полицейлері 3 жасөспірімнің біреуінің жүрген жерін анықтады.
«Полицейлер мен туыстары 8 қыркүйектен бастап іздеп жүрген кәмелетке толмаған Кенжебек Мұқан Алматы қаласында табылды. Полиция жасөспірімді үйге жеткізіп, ата-анасына тапсырды. Баланың анасы полиция қызметкерлеріне оны іздестіруге жәрдемдесіп, үйіне аман-есен оралғаны үшін алғысын білдірді», – делінген хабарламада.
Із-түзсіз кеткен тағы екі жасөспірім – Ақерке Жолдасова мен Әмір Тергеуовке қатысты іздестіру шаралары әлі де жалғасып жатыр.