50376
Қазақстан футболдан әлем чемпионатын өткізе ме? – Министрлік жауап берді
Қазақстан футболдан әлем чемпионатын өткізе ме? – Министрлік жауап берді
Қазақстанда футболдан 2034 жылғы әлем чемпионаты өтпейді. Мұнда мәлімдемені Мәдениет және спорт министрлігі жасады, деп хабарлады turkystan.kz.
«Мәдениет және спорт министрлігі қазақстандық футболды дамытуға ерекше назар аударады және осы бағытта жан-жақты қолдау көрсетеді. Алайда, Қазақстанда футболдан әлем чемпионатын өткізу туралы мәселе қаралмағанын, тиісінше, чемпионатты өткізу үшін біздің еліміз өтінім беруді жоспарламағанын мәлімдейміз», - делінген министрлік хабарламасында.
Айта кетейік, бұған дейін Қазақстан футбол федерациясының басшысы Әділет Барменқұлов 2034 жылғы футболдан әлем чемпионатын өткізу үшін Өзбекстанмен ФИФА-ға бірлескен өтінім беруді ұсынатынын жеткізген.
Бұл мәлімдеме Қырғызстанда екі федерация өкілдері қатысқан Орталық Азиядағы түркітілдес елдердің футбол қауымдастықтары басшыларының саммиті барысында айтылды.
