50295
Қорғалжын қорығы аумағында қамыс өртеніп жатыр
Қорғалжын қорығы аумағында қамыс өртеніп жатыр
Ақмола облысы Қорғалжын ауданында 25 гектар алаңда қамыс өртеніп жатыр. Тілсіз жауды ауыздықтауға тікұшақ жұмылдырылды, деп хабарлады turkystan.kz ТЖМ баспасөз қызметіне сілтеме жасап.
Шалқар ауылынан 35 шақырым жерде орналасқан "Қорғалжын қорығы" мемлекеттік ұлттық табиғи паркінің аумағында қамыс өртін сөндіру жұмыстары жалғасуда.
«Ашық жалын байқалмайды, жеке ошақтар бықсып жатыр. Орман шаруашылығының алдын ала ақпараты бойынша өртеніп жатқан алаң 25 га құрады», - делінген хабарламада.Өртті сөндіруге ТЖ департаментінің және орман шаруашылығының күштері мен құралдары жұмылдырылды. Сонымен бірге Қазавиақұтқару тікұшағы да тартылды. Сөндіру жұмыстары басталған сәттен бастап өрт ошақтарына 60 тонна су төгілді.
