Сириядағы қарулы топтар Астана келіссөзіне қатысуы мүмкін

Сирияның солтүстігіндегі қарулы топ өкілдері Астанада билік пен оппозиция өкілдерінің келіссөздеріне қатысу үшін шарт қойды. Шарттардың бірі халықаралық бақылау аясында атысты тоқтату, деп хабарлайды Риа Новости.

«Солтүстікте (Сирия) соғысып жатқан қарулы топ өкілдері Астанаға бару үшін шарт қойды. Бұл шарттардың арасында халықаралық бақылау аясында соғысты тоқтату мәселесі де бар»,-деді «Халықтық дипломатия» қозғалысының хатшысы Махмуд әл-Афанди Анкарада өткен кездесуде. Ол сонымен қатар Астанада өтетін кездесуге қатысушылардың әзірге нақтыланбағандығын да айтты.