Қазақстандықтарды қорлап сөз айтқан қарағандылық тұрғын ұсталды

Қазақстандықтарды және Қазақстан басшылығын қорлаған қарағандылық тұрғын ұлт араздықты қоздыру ісі бойынша ұсталды деп хабарлады turkystan.kz "кешкі Қарағанды" Telegram-арнасына сілтеме жасай отырып.

Бұл туралы Қарағанды облысының Полиция департаментінен хабарлады.

"Полиция қызметкерлері Қарағандының 42 жастағы тұрғынын анықтап, полиция бөліміне жеткізді. Оған қатысты ҚР ҚК-нің "әлеуметтік, ұлттық, рулық, нәсілдік, таптық немесе діни алауыздықты қоздыру" 174-бабы бойынша қылмыстық іс тіркелді. Тергеу жүргізілуде", - деп хабарлады департамент.

Қазақстандықтар мен ел басшыларын балағат сөздер айтып, қорлаған ер адамның бейнесі Tik Tok әлеуметтік желісінде пайда болды.

Сондай-ақ, өз сөзінде қарағандылық Ресейдің Украинаға қарсы соғысын және Владимир Путиннің жеке әрекетін қолдады.

Енді автордың бетіндегі барлық бейнелер мен фотосуреттер жойылды.