الماتىداعى تەرگەۋ يزولياتورىندا گەنەرال-مايور ءولى كۇيىندە تابىلدى

پوليتسيا گەنەرال-مايورى جايلاۋبەك حالىق ۇلى الماتى تەرگەۋ يزولياتورىندا قايتىس بولدى دەپ حابارلادى  turkystan.kz ءىىم قىلمىستىق اتقارۋ جۇيەسى كوميتەتىنە سىلتەمە جاساپ.

ونى شامامەن ساعات 7:00-دە مەكەمەنىڭ كەزەكشى قىزمەتكەرى بايقاعان. العاشقى مەديتسينالىق كومەك كورسەتكەنمەن، ناتيجە بولماعان. ودان كەيىن العاشقى مەديتسينالىق كومەك بريگاداسى كەلىپ، مەحانيكالىق اسفيكسيا سالدارىنان كوز جۇمدى دەگەن قورىتىندى جاسادى.

«وقيعا ورنىنا جەدەل-تەرگەۋ توبى، پروكۋراتۋرا وكىلدەرى مەن وبلىستىق قاجد باسشىلىعى كەلدى. باسقا ۇستالعاندارمەن اڭگىمە جۇرگىزىلدى. تەكسەرۋ ناتيجەسىندە وعان قاتىستى  ىقتيمال زاڭسىز ءىس-ارەكەت فاكتىلەرى انىقتالعان جوق»، – دەدى قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتىنەن.

قازىر وبلىستىق دەپارتامەنتتىڭ قىزمەتكەرلەرىن تارتۋ ارقىلى قىزمەتتىك تەكسەرۋ باستالدى. ونىڭ ناتيجەسى بويىنشا قولدانىستاعى زاڭناماعا سايكەس شارالار قابىلدانادى.

ايتا كەتەيىك، جايلاۋبەك حالىق ۇلى بيىل مامىر ايىندا ۇستالدى. ول قىلمىستىق ءىستى جابۋ ءۇشىن بەلگىلى ءبىر ازاماتتان الداپ-ارباۋ ارقىلى اقشا مەن م ۇلىك يەلەندى دەگەن كۇدىككە ىلىنگەن بولاتىن. جايلاۋبەك حالىق ۇلى الماتى جانە اقمولا وبلىستارى ىشكى ىستەر دەپارتامەنتىن باسقارعان.

 

Back to top button