Жеңіл атлетикадан ӘЧ: Қазақстанның медальдік есептегі орны айқындалды

Юджинде (Орегон штаты, АҚШ) жеңіл атлетикадан 2022 жылғы әлем чемпионаты өтті деп хабарлады turkystan.kz

Жарыс қорытындысы бойынша, медальдік есепте бірінші орынды АҚШ құрамасы иеленді – 33 медаль (13 алтын, 9 күміс, 11 қола). Екінші орын эфиопиялық спортшылардың еншісінде – 10 (4,4,2), үшінші орында Ямайка – 10 (2,7,1).

Қазақстан өзге жеті елмен бірге 22-орынды бөлісті. Ұлттық құраманың қоржынында бір алтын медаль бар. Оны 3 000 метрге кедергілер арқылы жүгіруден Нора Джеруто жеңіп алды. Айта кету керек, бұл – Қазақстанның жеңіл атлетикадан әлем чемпионаты тарихындағы бірінші «алтыны».