تالدىقورعان مەشىتىندە يمامدى سوققىعا جىقتى

تالدىقورعاندا مەشىتتە توبەلەسىپ، يمامدى سوققىعا جىققان دەسترۋكتيۆتى ءدىني اعىمنىڭ جاقتاۋشىسى ۇستالدى دەپ حابارلادى turkystan.kz الماتى وبلىستىق پد ءباسپاسوز قىزمەتىنە سىلتەمە جاساپ.

ءدىن قىزمەتكەرى مەن كەلۋشىلەردىڭ ءبىرى اراسىنداعى وقيعا ماۋسىم ايىنىڭ باسىندا بولعان. ءدىني ءراسىم كەزىندە يسلامنىڭ ءداستۇرلى ەمەس باعىتىن ۇستاناتىن ءبىر توپ ەر ادام يمامعا كەدەرگى كەلتىرىپ، بىرنەشە رەت ەسكەرتۋ العان.

وسىدان كەيىن يمام مەن ءتارتىپ بۇزۋشىلاردىڭ ءبىرى ەرەگىسىپ، ەر ادام ءدىن قىزمەتكەرىن سوققىعا جىققان.

يمام دارىگەرلەر مەن پوليتسەيلەردىڭ كومەگىنە جۇگىندى.

ءتارتىپ ساقشىلارى 33 جاستاعى جەرگىلىكتى تۇرعىندى ۇستادى. ول اكىمشىلىك قۇقىقبۇزۋشىلىق تۋرالى كودەكستىڭ 73-1-بابى (دەنساۋلىققا قاساقانا جەڭىل زيان كەلتىرۋ) بويىنشا كىنالى دەپ تانىلدى.

تالدىقورعان اۋدانارالىق اكىمشىلىك سوتىنىڭ شەشىمىمەن ەر ادام جەتى تاۋلىككە قاماۋعا الىندى. قۇقىق بۇزۋشى ءوز كىناسىن مويىنداپ، ىستەگەن ىسىنە وكىندى.

ۇقساس جاڭالىقتار

Back to top button